ପୂଜାପୁଜି

ଅର୍ଧ ନାରୀଶ୍ଵର ଅଷ୍ଟକମ୍

ଚାଂପେଯଗୌରାର୍ଧଶରୀରକାଯୈ
କର୍ପୂରଗୌରାର୍ଧଶରୀରକାଯ |
ଧମ୍ମିଲ୍ଲକାଯୈ ଚ ଜଟାଧରାଯ
ନମଃ ଶିଵାଯୈ ଚ ନମଃ ଶିଵାଯ || 1 ||

କସ୍ତୂରିକାକୁଂକୁମଚର୍ଚିତାଯୈ
ଚିତାରଜଃପୁଂଜ ଵିଚର୍ଚିତାଯ |
କୃତସ୍ମରାଯୈ ଵିକୃତସ୍ମରାଯ
ନମଃ ଶିଵାଯୈ ଚ ନମଃ ଶିଵାଯ || 2 ||

ଝଣତ୍କ୍ଵଣତ୍କଂକଣନୂପୁରାଯୈ
ପାଦାବ୍ଜରାଜତ୍ଫଣିନୂପୁରାଯ |
ହେମାଂଗଦାଯୈ ଭୁଜଗାଂଗଦାଯ
ନମଃ ଶିଵାଯୈ ଚ ନମଃ ଶିଵାଯ || 3 ||

ଵିଶାଲନୀଲୋତ୍ପଲଲୋଚନାଯୈ
ଵିକାସିପଂକେରୁହଲୋଚନାଯ |
ସମେକ୍ଷଣାଯୈ ଵିଷମେକ୍ଷଣାଯ
ନମଃ ଶିଵାଯୈ ଚ ନମଃ ଶିଵାଯ || 4 ||

ମଂଦାରମାଲାକଲିତାଲକାଯୈ
କପାଲମାଲାଂକିତକଂଧରାଯ |
ଦିଵ୍ଯାଂବରାଯୈ ଚ ଦିଗଂବରାଯ
ନମଃ ଶିଵାଯୈ ଚ ନମଃ ଶିଵାଯ || 5 ||

ଅଂଭୋଧରଶ୍ଯାମଲକୁଂତଲାଯୈ
ତଟିତ୍ପ୍ରଭାତାମ୍ରଜଟାଧରାଯ |
ନିରୀଶ୍ଵରାଯୈ ନିଖିଲେଶ୍ଵରାଯ
ନମଃ ଶିଵାଯୈ ଚ ନମଃ ଶିଵାଯ || 6 ||

ପ୍ରପଂଚସୃଷ୍ଟ୍ଯୁନ୍ମୁଖଲାସ୍ଯକାଯୈ
ସମସ୍ତସଂହାରକତାଂଡଵାଯ |
ଜଗଜ୍ଜନନ୍ଯୈ ଜଗଦେକପିତ୍ରେ
ନମଃ ଶିଵାଯୈ ଚ ନମଃ ଶିଵାଯ || 7 ||

ପ୍ରଦୀପ୍ତରତ୍ନୋଜ୍ଜ୍ଵଲକୁଂଡଲାଯୈ
ସ୍ଫୁରନ୍ମହାପନ୍ନଗଭୂଷଣାଯ |
ଶିଵାନ୍ଵିତାଯୈ ଚ ଶିଵାନ୍ଵିତାଯ
ନମଃ ଶିଵାଯୈ ଚ ନମଃ ଶିଵାଯ || 8 ||

ଏତତ୍ପଠେଦଷ୍ଟକମିଷ୍ଟଦଂ ଯୋ
ଭକ୍ତ୍ଯା ସ ମାନ୍ଯୋ ଭୁଵି ଦୀର୍ଘଜୀଵୀ |
ପ୍ରାପ୍ନୋତି ସୌଭାଗ୍ଯମନଂତକାଲଂ
ଭୂଯାତ୍ସଦା ତସ୍ଯ ସମସ୍ତସିଦ୍ଧିଃ ||

Related posts

Leave a Comment