ପୂଜାପୁଜି

ଅଚ୍ଯୁତାଷ୍ଟକମ୍

ଅଚ୍ଯୁତଂ କେଶଵଂ ରାମନାରାଯଣଂ
କୃଷ୍ଣଦାମୋଦରଂ ଵାସୁଦେଵଂ ହରିମ୍ |
ଶ୍ରୀଧରଂ ମାଧଵଂ ଗୋପିକା ଵଲ୍ଲଭଂ
ଜାନକୀନାଯକଂ ରାମଚଂଦ୍ରଂ ଭଜେ || 1 ||

ଅଚ୍ଯୁତଂ କେଶଵଂ ସତ୍ଯଭାମାଧଵଂ
ମାଧଵଂ ଶ୍ରୀଧରଂ ରାଧିକା ରାଧିତମ୍ |
ଇଂଦିରାମଂଦିରଂ ଚେତସା ସୁଂଦରଂ
ଦେଵକୀନଂଦନଂ ନଂଦଜଂ ସଂଦଧେ || 2 ||

ଵିଷ୍ଣଵେ ଜିଷ୍ଣଵେ ଶଂକନେ ଚକ୍ରିଣେ
ରୁକ୍ମିଣୀ ରାହିଣେ ଜାନକୀ ଜାନଯେ |
ଵଲ୍ଲଵୀ ଵଲ୍ଲଭାଯାର୍ଚିତା ଯାତ୍ମନେ
କଂସ ଵିଧ୍ଵଂସିନେ ଵଂଶିନେ ତେ ନମଃ || 3 ||

କୃଷ୍ଣ ଗୋଵିଂଦ ହେ ରାମ ନାରାଯଣ
ଶ୍ରୀପତେ ଵାସୁଦେଵାଜିତ ଶ୍ରୀନିଧେ |
ଅଚ୍ଯୁତାନଂତ ହେ ମାଧଵାଧୋକ୍ଷଜ
ଦ୍ଵାରକାନାଯକ ଦ୍ରୌପଦୀରକ୍ଷକ || 4 ||

ରାକ୍ଷସ କ୍ଷୋଭିତଃ ସୀତଯା ଶୋଭିତୋ
ଦଂଡକାରଣ୍ଯଭୂ ପୁଣ୍ଯତାକାରଣଃ |
ଲକ୍ଷ୍ମଣୋନାନ୍ଵିତୋ ଵାନରୈଃ ସେଵିତୋ
ଅଗସ୍ତ୍ଯ ସଂପୂଜିତୋ ରାଘଵଃ ପାତୁ ମାମ୍ || 5 ||

ଧେନୁକାରିଷ୍ଟକାଽନିଷ୍ଟିକୃଦ୍-ଦ୍ଵେଷିହା
କେଶିହା କଂସହୃଦ୍-ଵଂଶିକାଵାଦକଃ |
ପୂତନାକୋପକଃ ସୂରଜାଖେଲନୋ
ବାଲହୋପାଲକଃ ପାତୁ ମାଂ ସର୍ଵଦା || 6 ||

ବିଦ୍ଯୁଦୁଦ୍-ଯୋତଵତ୍-ପ୍ରସ୍ଫୁରଦ୍-ଵାସସଂ
ପ୍ରାଵୃଡମ୍-ଭୋଦଵତ୍-ପ୍ରୋଲ୍ଲସଦ୍-ଵିଗ୍ରହମ୍ |
ଵାନ୍ଯଯା ମାଲଯା ଶୋଭିତୋରଃ ସ୍ଥଲଂ
ଲୋହିତାଙ୍-ଘିଦ୍ଵଯଂ ଵାରିଜାକ୍ଷଂ ଭଜେ || 7 ||

କୁଂଚିତୈଃ କୁଂତଲୈ ଭ୍ରାଜମାନାନନଂ
ରତ୍ନମୌଳିଂ ଲସତ୍-କୁଂଡଲଂ ଗଂଡଯୋଃ |
ହାରକେଯୂରକଂ କଂକଣ ପ୍ରୋଜ୍ଜ୍ଵଲଂ
କିଂକିଣୀ ମଂଜୁଲଂ ଶ୍ଯାମଲଂ ତଂ ଭଜେ || 8 ||

ଅଚ୍ଯୁତସ୍ଯାଷ୍ଟକଂ ଯଃ ପଠେଦିଷ୍ଟଦଂ
ପ୍ରେମତଃ ପ୍ରତ୍ଯହଂ ପୂରୁଷଃ ସସ୍ପୃହମ୍ |
ଵୃତ୍ତତଃ ସୁଂଦରଂ କର୍ତୃ ଵିଶ୍ଵଂଭରଃ
ତସ୍ଯ ଵଶ୍ଯୋ ହରି ର୍ଜାଯତେ ସତ୍ଵରମ୍ ||

Related posts

Leave a Comment